أطلق أحمد حسام ميدو، مهاجم الزمالك السابق، تصريحات قوية عبر قناة النهار، تحدث خلالها عن الأجواء داخل القلعة البيضاء، منتقدًا ما وصفه بتكرار الأخطاء القديمة التي تهدد استقرار الفريق.

وسقط الزمالك في الهزيمة الثانية له هذا الموسم ولكن تلك المرة ضد الأهلي بنتيجة 2-1 في بطولة الدوري المصري.

اقرأ أيضًا | زيدان يرفض تدريب زيزو.. الأهلي فاوض مدرب ريال مدريد ومفاجأة بشأن مصير النحاس

وقال ميدو: "ريما رجعت لعادتها القديمة في الزمالك، مسؤولين جوه النادي بيكلموا الصحفيين والإعلاميين وبيقولولهم حاجات بتحصل جوه النادي".

وأضاف: "في ضغوط بتحصل عشان كلام فلان اللي يمشي، ناس جوه النادي عايزين يهدموا المعبد وعايزين يبقى ليهم تدخلات في أمور الفريق الأول".

وأوضح أن المقارنة بين الزمالك والأهلي تكشف الفارق الكبير في إدارة الأزمات، مؤكدًا: "أنا زملكاوي وبقولكم شوفوا إيه اللي بيحصل في الأهلي وقت التعثرات، هتلاقي مفيش بني آدم بيطلعله خبر".

وتابع: "في الأهلي بيكون في هدوء وناس بتشتغل، عشان كده بيعرفوا يقفوا على رجليهم مرة ثانية والتوابع بتاعة الأزمات محدودة جدًا".

وأشار ميدو إلى أن الاستفادة من المنافس أمر طبيعي، قائلاً: "مش عيب إني أبص للمنافس بتاعي وأشوف إيه الحاجات الإيجابية اللي بيعملها وأعمل زيه، والقصة سهلة".

واختتم تصريحاته محذرًا: "لو الزمالك فقد ميزة السرية والخصوصية والقفلة على الفريق الدنيا هتفرط، والتوابع هتكون مريرة على جمهور الزمالك".