يشهد الفريق الأول لكرة القدم بالنادي الأهلي متابعة دقيقة لحالة لاعبيه قبل المشاركة في بطولة السوبر المصري.

الجهاز الفني يركز على جاهزية اللاعبين، مع مراعاة البروتوكولات الطبية لضمان سلامتهم وعدم تفاقم أي إصابات قد تؤثر على الأداء.

الأهلي يواجه تحديات في تجهيز بعض اللاعبين بعد إصابات متفاوتة، لكن هناك إشارات إيجابية بشأن تحسن حالة بعض العناصر المهمة والجماهير تترقب إعلان قائمة الفريق والجاهزين للمواجهة القادمة.

اقرأ أيضًا | لاعب واحد فقط مستمر.. اتجاه في الأهلي لرحيل جميع الأجانب

وقال أحمد شوبير، الإعلامي الرياضي عبر أون سبورت إف إم: "إمام عاشور، واللي اتبسطت له الحقيقة امبارح إن أنا شفت حالته الصحية جيدة وهو مسافر مع البعثة".

واستمر: "طب كده كويس.. هيلعب يا سيدي؟ مش هيلعب ياسيدي؟ مش هيلعب، الراجل محتاج لسه عشان يلعب، لأنه قعد 45 يوم في البيت وتمرن 4 تمرينات بالتمام والكمال في الجيم. مفيش أكتر من كده".

وأضاف: "الحمد لله، إمام بصحة تمام وخضع للبروتوكول الخاص بالعلاج وحالته جيدة".

وكشف شوبير عن مفاجأة، وقال: "أشرف داري كل ما ييجي يدخل وخلاص يبقى تمام التمام، والناس تحس إنه قرب بيتصاب تاني. يعني مش عايز أقول لك إن إصابته تجددت لكنه لسه يعني حالة الإصابة".

وواصل: "بعد ما الدكاترة كانوا متوقعين إنه مثلا يدخل خلال أسبوع، قالوا رجعوا تاني قالوا لأ أسبوعين، رجعوا قالوا كمان أسبوع، فالأمر غريب جدًا بالنسبة لأشرف داري".

وتابع: "على فكرة الراجل ييس توروب شايف إن مستوى أشرف داري جيد من خلال الفيديوهات بس مش عارف يستفيد منه".

وعن الإصابات الأخرى: "حسين الشحات إصابته طبعا دمها تقيلة وبالتالي سيغيب، أحمد رضا.. الحمد لله سليم بنسبة مية في المية".

واستمر: "محمد شريف، وده من مصدر مسؤول داخل النادي الأهلي، قال لي قول على يعني على لسانه: 'محمد شريف بقى كويس نعم، العلاج اتغير وقصص العلاج والجلسات والحاجات اللي بتعمل التقدم في الطب، هو اللي اتقال لي كده.'"

واختتم: "محمد شريف جاهز لبطولة السوبر المصري، ده اتقال تمام وخلاص".