يواصل يحيى زكريا، ظهير أيسر غزل المحلة، جذب الأنظار داخل الدوري المصري بعد المستويات المميزة التي يقدمها مع فريقه، ما جعله محل اهتمام عدد من الأندية المحلية والخارجية خلال الفترة الأخيرة.

وفي ظل الحديث عن مستقبله والعروض المقدمة له، كشف اللاعب في تصريحات إعلامية عن تفاصيل تعديل عقده مع غزل المحلة، وفتح قلبه للحديث عن انتمائه الكروي وطموحه في الاحتراف الخارجي.

اقرأ أيضًا.. شرط وحيد يمنع رحيل لاعب الأهلي في يناير

وقال يحيى زكريا في تصريحات عبر "أون سبورت": "نعم، عدلت عقدي مع نادي غزل المحلة، والعقد ممتد حتى عام 2029".

وأضاف: "هناك عرض من نادٍ إماراتي، تواصلوا مع الإدارة عندنا، مع المهندس وليد والحاج تامر والكابتن عمر، والإدارة تدرس كل العروض اللي بتوصلها".

وتابع: "لو في عرض مناسب للنادي وليا، الإدارة مش هتوقف في طريقي، لكن الأهلي لحد دلوقتي مقدمش أي عرض رسمي".

وأوضح: "أنا معرفش تفاصيل المفاوضات، لكن في ناديين كبار في مصر بيتكلموا مع إدارة المحلة، ومش عارف إذا كانوا الأهلي وبيراميدز ولا لأ".

وأشار: "الإدارة في النادي بصراحة مش مقصرة معانا في أي حاجة، ودائمًا بيحاولوا يساعدونا في كل حاجة تخص مستقبلنا".

وعن انتمائه الكروي، قال: "أنا محلاوي طبعًا، وهفضل كده طول ما أنا بلعب كورة، جمهور المحلة له فضل كبير عليا، وهو السبب إن وصلت للمكانة اللي أنا فيها دلوقتي".

واستطرد: "قبل المحلة، والدي الله يرحمه كان مايل للأهلي شوية، وأخويا الكبير اللي مسؤول عني دلوقتي زملكاوي، فممكن تقول عندي العنصرين".

وأضاف: "بحاول أرضي الكل، بس في النهاية أنا بلعب بقميص غزل المحلة، وده شرف كبير بالنسبالي".

وتحدث عن مستقبله قائلًا: "في ناديين في مصر بيتفاوضوا، وكمان عرض من الإمارات، لكن كل حاجة في يد ربنا والإدارة".

وختم يحيى زكريا تصريحاته قائلًا: "طموحي الأكبر هو الاحتراف الخارجي إن شاء الله، وبإذن الله الخطوة دي هتحصل قريب، وده هدفي من البداية".