عبر إمام عاشور، لاعب وسط النادي الأهلي، عن سعادته بالعودة التدريجية للتدريبات الجماعية بعد فترة طويلة من الغياب بسبب الإصابة، مؤكدًا جاهزيته للالتزام بالبرنامج التأهيلي الموضوع له تمهيدًا للعودة للملاعب في أقرب وقت.

اقرأ أيضًا | أشواط إضافية أم ركلات جزاء؟.. نظام مباراة الأهلي وسيراميكا في السوبر المصري حال التعادل

 

وقال إمام عاشور عبر المركز الإعلامي للنادي الأهلي: "الحمد لله الأول طبعًا على إن أنا قمت بالسلامة، الحمد لله، ومبسوط طبعًا إن أنا مع الفرقة، وإن شاء الله أبقى صبرت لهم بإذن الله، والأجواء كويسة وكل حاجة ماشية كويسة في المعسكر، وأتمنى لهم كل التوفيق في الماتشات اللي جاية بإذن الله".

وأضاف: "بدعم الجمهور إن شاء الله يبقى في ضهرنا، والحمد لله أنا مبسوط إن أنا شاركت النهارده في جزء صغير من التمرين، وأكيد في تعليمات وبرنامج إن شاء الله أمشي عليه وأرجع تاني بإذن الله".

وتابع: "أنا بشكرهم كلهم وبشكر طبعًا عيلتي كلها، وشكرًا ليهم لأنهم وقفوا جنبي كتير، وإن شاء الله أقدر أرجع تاني بإذن الله للملاعب وأساعد الفريق".

وأكمل: "بصراحة في الأهلي محدش قصر معايا في أي حاجة خالص، بالعكس كل يوم كانوا بيسألوا عليا، والدكتور أحمد جاب الله بصراحة معايا على طول 24 ساعة، حتى لو مش جنبي بيكلمني في الموبايل ويتطمن عليّ، وبشكرهم كلهم بصراحة".

وأشار عاشور إلى أنه كان يتمنى المشاركة في المباريات المقبلة قائلًا: "كان نفسي ألعب كل الماتشات اللي جاية، بس والله كان غصب عني، وقت صغير إن شاء الله وأبقى في الملعب تاني بإذن الله".

وعن دعم الجماهير، قال إمام عاشور: "بشكرهم كلهم طبعًا، وبشكر كل الناس اللي دعموني الفترة اللي فاتت، وكل الناس اللي كتبت حاجة كويسة بشكرهم، وإن شاء الله أرجع وأؤدي المسئولية بإذن الله".

وختم حديثه قائلًا: "إحنا بنشوف الجمهور سواء بره مصر أو جوه مصر، بصراحة بيدوا دافع للعيبة كلها، وإن شاء الله يبقوا في ضهرنا ونقدر نعمل حاجة نفسهم فيها، ونرجع بالبطولة بإذن الله".