أكد مصطفى شوبير، حارس مرمى الأهلي، استعداد فريقه الكامل لمباراة سيراميكا كليوباترا في نصف نهائي كأس السوبر المصري، مشيرًا إلى أن المباراة ستكون قوية جدًا رغم قوة المنافس. 

ويلتقي الأهلي مع سيراميكا كليوباترا، غدًا الخميس، في الساعة الخامسة، على ملعب هزاع بن زايد، ضمن منافسات نصف نهائي السوبر المصري.

اقرأ أيضًا.. محمد الشناوي يكشف سر قوة الأهلي قبل مباراة سيراميكا في السوبر المصري

شوبير يعلق على استعدادات الأهلي لمواجهة سيراميكا كليوباترا 

وقال شوبير في تصريحاته عبر المركز الإعلامي للنادي الأهلي: "بطولة السوبر المصري قوية جدًا طبعًا بنظامها الجديد اللي بنلعبها بقالنا سنتين تقريبًا، قدام فريق كبير برضه زي سيراميكا، وحظنا دايمًا بيقع معاه في الماتش ده، لكن إن شاء الله إحنا جاهزين، وبإذن الله تبقى مواجهة قوية".

وأضاف شوبير أن الأهلي لا يطمح إلا للتتويج باللقب قائلاً: "إن شاء الله نصعد للنهائي ونأخذ البطولة، هما الناس في الإمارات مش بتتأخر بصراحة، على طول مستقبلينا أحسن استقبال، وكمان عشان جمهورنا يبقى محتاجنا دايمًا".

وتطرق شوبير إلى دعم جماهير الأهلي، مشيدًا بحضورهم الدائم في كل مكان في العالم، قائلاً: "حاجة حلوة جدًا إن الجمهور يبقى موجود، دايمًا جمهور الأهلي موجود في كل مكان في العالم، خصوصًا جمهور الإمارات، دايمًا عاملين روابط جميلة جدًا ودايمًا بيدعمونا كويس أوي، وإن شاء الله نبقى قد الدعم ده ونفرحهم بإذن الله".

وفي ختام تصريحاته، أكد شوبير على أهمية الروابط بين النادي وجماهيره، مشيرًا إلى أن الأهلي يولي اهتمامًا خاصًا بتطوير هذه الروابط في مختلف الأماكن: "الروابط حاجة مهمة جدًا زي كل أندية العالم، دلوقتي أنت في حتة عالمية فلازم تواكب الليفل ده، وحاجة كويسة جدًا إن الأهلي بيهتم بحاجات زي دي، هو اسم النادي الأهلي كبير قوي".