كشف محمد يوسف، المدير الرياضي بالنادي الأهلي، عن عدة ملفات مهمة تتعلق بإدارة الفريق وملفات بعض اللاعبين، مؤكداً التزام النادي بخططه الاحترافية وثقافته في الفوز.

ويشغل مستقبل بعض اللاعبين عقول الجماهير العاشقة للنادي الأهلي في الفترة الأخيرة وعلى رأسهم أليو ديانج.

اقرأ أيضًا.. موقف مصطفى العش من السفر إلى المغرب مع الأهلي لمواجهة الجيش الملكي

وبدأ يوسف بالحديث عن إمام عاشور في حواره مع برنامج "اللعيب": "إمام عاشور من اللاعيبة الملتزمة جدًا والمنضبطين جدًا فنيًا، ما شاء الله أنا سعيد جدًا ومبسوط إنه رجع وإضافة قوية جدًا للفرقة".

وتطرق لمشكلة عقد إمام عاشور: "يمكن إحنا لما قعدنا بعد كأس العالم أنا خدت وجهة نظره ونقلتها للإدارة بكل أمانة واتكلمنا فيها، وكان لينا وجهة نظر إن إحنا الحتة دي بتاعة النادي إن إمام لسه عنده تعاقد تلات سنين معانا في النادي الأهلي".

وأوضح يوسف: "هو كان ليه وجهة نظر وإحنا وضحناها له، وأنا وضحتها له بكل وضوح، أي تعديل في عقده، زيادته، أو مساواته مع حد تاني، أو أي شيء من هذا القبيل، ده بتاع الإدارة بتاعة النادي الأهلي مش أي حد، والملف اتقفل بالكامل".

وعن عودة إمام بعد الإصابة، قال يوسف: "إمام ما شاء الله أنا شايفه راجع، يمكن ربنا كرمه بالهدف الذي أحرزه في شبيبة القبائل كعودة له وبداية ليه تاني، لأنه عدى بإصابة قوية جدًا في كأس العالم وخسرناه هناك، هو من اللاعيبة اللي فعلاً عندهم إمكانات عالية جدًا للنادي الأهلي".

وحول تعامل النادي مع الوكلاء واللاعبين، تحدث يوسف عن آدم وطني: "التعامل مع الأهلي والوكيل اتقفلت، إحنا كنادي الأهلي بنحترم اللي يحترم النادي الأهلي، وغير مقبول تمامًا أي تصريحات خارجة عن مصلحة النادي".

وعن ملف وسام أبو علي ورحيله، قال يوسف: "هو كان عنده إصرار غير طبيعي للرحيل، فخلاص أخذ القرار إنه لازم يمشي، النادي الأهلي استفاد واللاعب استفاد من العقود والعروض اللي جاتله.

وأضاف يوسف: "هل ممكن وسام يرجع للأهلي تاني؟ ما أعتقدش، الموضوع لم يُناقش ملفه رسميًا، لكنه عمل بيان قبل ما يمشي واعتذر للجماهير وللمسؤولين في النادي".

وختم يوسف بالحديث عن ملف ديانج وتجديد العقد: "في ملف تجديد عقد ديانج، لم يحدث أي تأخير من جانب النادي، وتم التفاوض معه منذ فترة، والقرار النهائي يعتمد على رغبة اللاعب أيضًا".