كشف رجل الأعمال ياسين منصور، نائب رئيس النادي الأهلي، ملامح دوره داخل القلعة الحمراء خلال ظهوره في برنامج "الحكاية"، الذي يقدمه الإعلامي عمرو أديب المعروف بميوله الزملكاوية.

وخلال الحوار، أكد ياسين منصور أن تركيزه داخل النادي يستهدف الاستمرار في عملية التطوير، قائلًا: "هدفنا في الأهلي هو مواصلة التطوير داخل النادي".

وفي المقابل، جاء رد عمرو أديب بنبرة ساخرة:"إيه اللي دخلك انتخابات الأهلي؟ هو إحنا ناقصين؟ خليك في شغلك في السياحة والصناعة… وروح اشتغل في الفضاء زي ما بيعمل إيلون ماسك، وتفرغ لأعمالك".

اقرأ أيضًا | صفقة الأهلي المحتملة.. بابلو صباغ يحقق إنجازًا جديدًا في الدوري الكوري

وأضاف: "تطوير إيه؟ أنتوا ناقصكم إيه؟ ده عندكم أربع فروع وستاد وتسعين شركة ونادي ملياري وخمسين لعبة، ومعاكم ياسين منصور والخطيب… عايزين إيه تاني؟"

ورغم حدة تعليق أديب، رد ياسين منصور بثبات وثقة، مؤكدًا: "لسه في مشروعات كتير نقدر ننفذها".

فعقب عمرو أديب مرة أخرى: "مشروعات كمان؟ ده إحنا مش قادرين نأخد أرض واحدة يا راجل… أرض واحدة بس ومش عارفين نخلصها!"

ورغم محاولات أديب للتقليل من قدرة الأهلي على التوسع، حافظ ياسين منصور على موقفه وأكد أن النادي لديه رؤية واضحة لتطوير قطاعات جديدة وتحقيق مزيد من النمو خلال الفترة المقبلة.