يتحرك النادي الأهلي بهدوء خلف الكواليس لرسم ملامح خطته في سوق الانتقالات الصيفية، في ظل سعي الإدارة لتدعيم الفريق وفق احتياجات فنية محددة.

وتأتي هذه التحركات دون استعجال في الدخول بمفاوضات مباشرة، حيث يفضل مسؤولو النادي تحديد الأولويات بدقة قبل بدء أي خطوات رسمية في ملف الصفقات.

اقرأ أيضًا.. الأهلي يصارع كلوب بروج وكايزر تشيفز على موهبة إفريقية

وفي هذا السياق، قال أحمد شوبير عبر "أون سبورت إف إم": "هل بالفعل الأهلي بدأ التفاوض مع لاعبين؟ أقول لك لا.. نعم.. لا، لسه. لكن الأهلي بيحط خطة التفاوض الأول، يعني يحدد المراكز اللي محتاجها قبل ما يتحرك.

وقلت لكم قبل كده وهقول تاني: الأهلي محتاج رأس حربة، وده موضوع محسوم. كمان هيجيب مدافع، وممكن كمان مدافع أيسر، خصوصًا بعد إصابة يوسف بلعمري بتمزق في العضلة الضامة.

بالنسبة لحراسة المرمى، الأمور مستقرة بوجود محمد الشناوي وشوبير وحمزة، وكذلك الظهير الأيمن. أما الظهير الأيسر، قد نرى في المباراة القادمة محمد شكري أو كوكا، والمدرب مقتنع جدًا بكوكا، لكن شكري بيقدم تدريبات قوية.

الأهلي حاليًا بيشتغل على الإطار العام لاحتياجات الفريق، وبعد كده يبدأ التحرك. وفي نفس الوقت، الإدارة مش حابة تضغط على الجهاز الفني وبتوفر له الاستقرار والحماية في المرحلة الحالية.

فيه كلام عن إلغاء منصب المدير الرياضي الموسم المقبل، وده معروف من فترة، مع بعض التغييرات في قطاع الناشئين، لكن مش بالشكل الكبير اللي الناس متخيلها.

ممكن يتم تدعيم القطاع بعناصر جديدة، وربما تكرار تجربة سابقة ناجحة مع مدربين أجانب في البراعم، اللي طلعت عناصر مميزة للنادي.

وفي النهاية، التركيز حاليًا على الفريق الأول، لإنهاء المباريات المتبقية بشكل جيد، وبعدها يتم تقييم الوضع بالكامل واتخاذ القرارات".