ياسر إبراهيم: زيزو "اتشتم" ولكن عقليته مختلفة.. وتمنيت بيراميدز في نهائي السوبر
كشف ياسر إبراهيم، مدافع النادي الأهلي، عن كواليس الفوز بلقب السوبر المصري وآخر استعدادات الفريق قبل المباريات المقبلة، مشيرًا إلى التفاني الكبير من جميع اللاعبين والرغبة في تحقيق الانتصارات وتعزيز تفوق الأهلي على منافسيه التقليديين.
وخلال تصريحاته لبرنامج "اللعيب" على قناة إم بي سي مصر، تحدث إبراهيم عن تحضيرات الفريق، التعليمات الفنية من ييس توروب، والأجواء داخل الفريق، بالإضافة إلى موقفه من الجماهير والزملاء، مؤكدًا على الروح الاحترافية لدى اللاعبين.
اقرأ أيضًا | حقيقة مفاوضات الأهلي لضم محمد عبد المنعم ومصطفى محمد.. رد حاسم
وقال ياسر إبراهيم: "الحمد لله طبعًا، كل اللاعبين تعبوا واجتهدوا وكان في إصرار مش طبيعي نرجع بالبطولة".
وأضاف: "أزمة في الدفاع؟ لا أتابع السوشيال ميديا، ولكن كان هناك تركيز للغاية من جميع لاعبي الدفاع، لكن المركز ده صعب جدًا في فريق زي النادي الأهلي، لازم تبقى مركز دايمًا وبنحاول نشتغل مع بعض للتحسين".
وتابع: "توروب وإيه التعليمات اللي قالهالك قبل المباراة؟ هو بيأخد كل لاعب لوحده يتكلم معاه والراجل بيتعب بصراحة وبيحدد كام اسم يتكلم معاه وبيعمل معاه محاضرة لوحده وبيعرفه انت كويس في كذا ومحتاج تحسن ده".
واستمر: "احنا بنتفرج على أي فريق بنلاعبه خصوصًا لو في لاعيبة سريعة أو لاعيبة مهارية، وبنتكلم التحركات تبقى ازاي، كل واحد يأخد تمركز كويس وربنا كرمنا طبعًا".
وواصل تصريحاته: "لم أتوقع السيناريو ده ولكن كنت عاوز أكسب وافوز بصراحة وأبقى مركز وده كل اللاعبين عاوزينه ولازم كنا نأكد تفوقنا على الزمالك بعد فوزنا عليهم في الدوري والسوبر اللي قبل ده".
وأضاف عن زيزو: "زيزو عقلية مختلفة تمامًا، هو عارف ومتوقع أن كان هيحصل في إهانات كتير وده حصل في الملعب، اتكلمنا معاه وسط المباراة وقولناله انت اللي هتكسبنا المباراة وهو كان متوقع ده وعشان كده متأثرش".
وعن وجود سيد عبد الحفيظ مع الفريق بعد فوز في انتخابات الأهلي: "سيد عبد الحفيظ بنحبه جدًا وعلى المستوى الشخصي والعملي ومبسوطين إنه معانا".
وعلق على استبعاده من المنتخب: "اتضايقت طبعا إني مش موجود في منتخب مصر، لكن الضيقة الطبيعية لأني كنت عاوز يكون ليا دور مع المنتخب، وأي لاعب طبيعي يكون نفسه في كده وبتمنى لهم التوفيق ومش هنزل تويتات ولا ستوريهات".
وتابع: "بطولة السوبر مهمة بالنسبة لينا وهنبني عليها، عندنا بطولة دوري أبطال إفريقيا وفي لاعيبة كانت أول مرة تأخد بطولة معانا وكان لازم تدوق البطولات وعاوزين نكسب ألقاب كتير".
وأضاف عن مواجهة بيراميدز والزمالك: "كنت نفسي نقابل بيراميدز ونأخد منه البطولة علشان آخر ماتش في الدوري والخسارة 2-0، لكن احنا بنحترم الزمالك وبيراميدز وشوفنا ماتشهم كانوا جامدين وأي فريق كان هيبقى صعب قصادنا، ولازم طبعا أقول أن أي مباراة ضد الزمالك حتى لو ودي هيكون ليه طعم تاني".
وأتم: "بعد المباراة، قالنا كابتن وليد صلاح الدين نروح نحيي لاعيبة الزمالك وجماهير الزمالك، احنا اللاعيبة ديه صحابنا وزمايلنا في منتخب مصر وده أمر طبيعي خارج الملعب".
اقرأ ايضا