مصطفى يونس يتراجع ويعتذر لـ محمود الخطيب والأهلي
تراجع مصطفى يونس، عن تصريحاته ضد النادي الأهلي ورئيس مجلس إدارته محمود الخطيب.
وقدم مصطفى يونس، اعتذارًا رسميًا للنادي ومحمود الخطيب، بجانب رسالة لجماهير القلعة الحمراء.
ويأتي ذلك عقب قرار جهات التحقيق بالنزهة إخلاء سبيله في البلاغ المقدم ضده من الخطيب ومجلس الإدارة على خلفية تصريحات اعتُبرت مسيئة.
اقرأ أيضًا..بتروجيت يفتح المزاد على حامد حمدان.. ومفاجأة من الزمالك
مصطفى يونس يوجه رسالة لجماهير الأهلي ويعتذر لـ الخطيب
وقال مصطفى يونس في فيديو نشره عبر قناته الرسمية على يوتيوب:"إلى شعب مصر العظيم وجمهور النادي الأهلي اللي صنع تاريخ مصطفى يونس، أنا الحقيقة بقالي كتير ما بتكلمش والتزمت بكل حاجة اتقالت لي، لكن في كلام بيطلع باسمي لم ولن يحدث في أي وقت."
وأضاف: "أنا عمري ما هبقى زملكاوي، لأني عاشق لتراب النادي الأهلي، في ناس بتسيء لي على أساس إن بيني وبين الأهلي خلاف، لكن القلعة الحمراء دي حياتي".
واستمر: "لو في خلاف فهو خلاف إخوات، محمود الخطيب بالنسبالي أخويا، وكل الإخوات والأهل بيتخانقوا أو بيزعلوا وده طبيعي، لكنه يظل في القلب."
وتابع: "الخطيب مش مجرد زميل، ده أخويا ومش هقدر أستغنى عنه، وأي حد بيحاول يوقع بينا مش هيعرف."
وأوضح: "يوم ما الخطيب قال إنه تعبان في المستشفى، فضلت أبكي كأن أبويا وأمي ماتوا مع بعض." ولفت إلى أن الخطيب حضر عزاء والدته في وقت كان هو فيه في مهمة بالسودان.
وأكد يونس: "اللي بيشكك في أهلاويتي، أنا دايمًا بقول إن اتنين بس بيفرحوني في مصر: الأهلي ومحمد صلاح."
كما شدد على احترامه الكامل لمجلس إدارة الأهلي، مضيفًا: "طبيعي أزعل لما أكون بعيد عن بيتي، لكن يظل الحب والعشق للأهلي والخطيب وكل ما ينتمي لهذه المؤسسة العظيمة."
وأشاد بما يحققه النادي من إنجازات قائلًا: "مجلس إدارة الأهلي عامل أرقام غير طبيعية في البطولات الفترة الأخيرة، وعندنا أربعة أندية من فروع الأهلي، وده مفيش نادي في مصر عنده."
وعن ارتباطه بالقلعة الحمراء، قال: "بحب الأهلي زي ابني، وإذا كنت بانتقد، فمش بقصد إهانة أو إساءة، لكن عشان عايزه يكون أحسن نادي في الدنيا. الأهلي متنفس الشعب المصري، ولما بيكسب الشعب كله بيكون في حالة روقان."
واختتم يونس تصريحاته قائلًا: "الناس بتاخد كلامي وبتحرفه، زي اللي بيقولوا إني زملكاوي، وهكتب قصة حياتي عشان الناس تعرف العلاقة بيني وبين الخطيب."
اقرأ ايضا