مفاجأة في قائمة الأهلي الإفريقية.. ثنائي قد يتم استبعاده
كشف عبد الحكيم أبو علم عن ملامح القائمة الإفريقية للنادي الأهلي، في ظل استعداد الفريق للموسم الجديد، موضحًا أن القائمة من المنتظر أن تكون قريبة من القائمة المحلية.
ويستعد الأهلي للمشاركة في بطولة كأس الكونفدرالية من دور الـ 32، وينتظر الفائز من مقديشيو الصومالي وكيتارا الأوغندي.
اقرأ أيضًا | ياسين مرعي: لدينا الجودة لمواجهة برشلونة.. ويكشف عن نصيحة عموتة
وقال أبو علم عبر قناته على موقع "يوتيوب": "حسب ما عرفت إن القائمة الإفريقية للنادي الأهلي تقريبًا هتبقى نفس القائمة اللي هم الـ29 والأربعة تحت السن، ما عدا اللي ممكن يبقى بره هو رضا سليم".
وأضاف: "يعني إيه؟ يعني ممكن يبقى بره رضا سليم، بره القائمة، ممكن، بس المؤكد إن 32 اسم من الأربعة من 33 اسم هيبقوا، لأن إنت الحد الأقصى بتاعك 33 اسم".
وتابع: "فاللي عرفته إن بنسبة كبيرة جدًا، يعني تقريبًا هيبقى العدد ده، لما سألت القائمة الإفريقية تعملها، قال لي نفس القائمة تقريبًا، أنا مش هشيل حد".
وعن موقف محمد رأفت، مهاجم الأهلي الشاب، أوضح: "بص، عشان أكون واضح معاك، في أسماء ابتدى الراجل الحسين عموتة يركز إنها ممكن تيجي مع الوقت".
وأكمل: "طب هو بقاله شهرين أو شهر ونص بياخد تدريبات، ما هو إنت كنت بتدي فرص وبتحاول، واضطريت ليه إن إنت ما عندكش مهاجم، فبقيت على محمد رأفت".
وشدد أبو علم على أن ذلك لا يعني أن مهاجم الأهلي الشاب ظهر بمستوى سيئ، قائلًا: "طب هل معنى كده محمد رأفت وحش؟ لا، ما قلتش وحش".
وأوضح: "بس الراجل يعني مش كواليتي محمد عبد الله، مش كواليتي كباكا، مش كواليتي محمود صلاح اللي إنت جايبه من المحلة، مش كواليتي محمد عبد الناصر. اسم كويس جدًا، لكن محتاج إنه يدوس على نفسه، ويشتغل على نفسه أكتر من كده بكتير".
موقف رضا سليم من الرحيل عن الأهلي
وتطرق أبو علم إلى موقف المغربي رضا سليم، قائلًا: "رضا سليم واضح إن الكلام وصله، أو بشكل ما عرف إن النادي الأهلي هيعمله، لأن أكيد وصل له إن النادي الأهلي متضايق جدًا، وأكيد وصل إن الحسين عموتة مش مقتنع قوي بيه".
وأضاف: "فابتدى يدور وابتدى يشتغل على فكرة إن أنا أروح المغرب، خصوصًا الأهلي عرض عليه: امشي يا عم وتوكل على الله، والسنة اللي فاضلة دي مش مشكلة بأي فلوس، مش أزمة".
واختتم: "فابتدى الراجل يتحرك في الجزئية دي، فابتدت الأمور يحصل فيها... ممكن تلاقي الساعات اللي جاية يحصل انفراجة، إنه ممكن يروح للجيش الملكي أو في فريق ليبي بيتكلم مع اللاعب".
اقرأ ايضا