لمسة الخطيب تعيد الانضباط.. الأهلي يستعد لمرحلة ما بعد ريبيرو
كشف الإعلامي أحمد شوبير، عبر إذاعة "أون سبورت إف إم"، كواليس قرار الأهلي الأخير بشأن تشكيل الجهاز الفني المؤقت بقيادة عماد النحاس، مؤكدًا أن محمود الخطيب لعب دورًا محوريًا في كل التفاصيل.
وأعلن الأهلي عن الجهاز الفني المؤقت للفريق بعد رحيل، خوسيه ريبيرو وسيكون بقيادة عماد النحاس بجانب عادل مصطفى، محمد نجيب وأمير عبد الحميد كمدرب لحراس المرمى.
اقرأ أيضًا.. الخطيب يحدد مدرب الأهلي الجديد
وقال شوبير: "كان هناك إصرار كبير من جانب كابتن محمود الخطيب لتعيين وليد صلاح الدين، والأخير كان نفسه يرجع تاني للنادي الأهلي، وواضح أنه عنده خطة كبيرة للتواجد مع الفريق، وأول ما تم الاتصال به وهو كان في الإمارات رجع على طول".
وأضاف: "عادل مصطفى مدرب رائع، وتواجده موافقة ومباركة من جانب عماد النحاس وكابتن محمود الخطيب كمدرب عام".
وتابع: "أمير عبد الحميد دور كابتن محمود الخطيب واضح أيضًا، لأنه كلم رئيس اتحاد الكرة هاني أبو ريدة وقاله إحنا معندناش مباريات ومفيش مشكلة، وأمير فرحان وكتب كده على حسابه في إنستجرام".
ثم طرح شوبير سؤالًا حول المستقبل: "هل الجهاز ده ممكن يستمر وميبقاش مؤقت؟".
واستطرد: "عادل مصطفى كان راجل مستمر مع زد، لما انت جايبه للنادي الأهلي كمؤقت، هل لو جه مدرب أجنبي ممكن يرجع للناشئين ولا إيه هيحصل لأنه كان شغال ومستمر مع زد".
وأكمل: "عماد النحاس مستحيل يمشي من النادي، شخص جدع اعتمدت عليه الموسم اللي فات وبعدين نزلته مدرب عام مع ريبيرو، وبعدين دلوقتي بقى مدير فني تاني".
وختم: "الأهلي عنده لحد 24 نوفمبر، هيكون كمل 13 مباراة.. الدور الأول هيبقى فاضله 7 مباريات فقط، وإذا كان الأهلي ضمن أول 7 فرق هيبقى فاضله 7 مباريات تاني، وده يخلي الأهلي بيجري يجيب مدرب أجنبي".
اقرأ ايضا