حقيقة اعتذار الأهلي عن المشاركة في بطولة كأس السوبر المصري
تحدث الإعلامي أحمد شوبير عن موقف الأهلي من المشاركة في بطولة كأس السوبر المصري، في ظل الجدل المثار حول مشاركة الفريق عن طريق الكارت الذهبي.
وقال أحمد شوبير عبر برنامجه الإذاعي في "أون سبورت إف إم": "اتحاد الكورة ما تكلمش على الشكل الرسمي بتاع السوبر، مين اللي موجود في السوبر؟ الزمالك بطل الدوري، بيراميدز بطل الكاس، بطل كاس عاصمة مصر، والأهلي اللي هو بالكارت الذهبي".
وأضاف: "الأهلي له قيمة وقامة وقدر، هو مين اللي يقدر يقول غير كده؟ حد يقدر يقول الأهلي صاحب الرقم القياسي في بطولات الدوري، الرقم القياسي في بطولات الكأس، الرقم القياسي في بطولات إفريقيا، الرقم القياسي في السوبر المحلي، الرقم القياسي في السوبر الإفريقي".
وتابع: "الأهلي هيعتذر؟ بالعكس، مرحب جدًا بأنه يلعب بطولة السوبر المصري، إلا بقى الله يقدر لو حصل بقى ظروف قهرية يعني، ممكن يبقى الأهلي مش موجود، لكن من حيث المبدأ الأهلي هو صاحب اللقب".
واختتم: "فده كلام بس لازم يبقى واضح للناس كلها، ما حدش يعمل أزمة من غير لازمة أو حد يعمل توقعات مالهاش لازمة أصلًا، لأنه هذا الكلام غير صحيح، وبالتالي الأهلي سيشارك في السوبر المصري ما لم تحدث مفاجآت بقى مدوية".
اقرأ ايضا