أول تعليق من وائل جمعة على هجوم جماهير الأهلي ضد عموتة
تحدث الإعلامي أحمد شوبير عن كواليس حديث جمعه مع وائل جمعة، مدير الكرة بالنادي الأهلي، خلال وجوده في القلعة الحمراء، مشيرًا إلى موقفه من حالة الهجوم على المدير الفني حسين عموتة خلال الفترة الماضية.
وقال أحمد شوبير عبر إذاعة "أون سبورت إف إم": "كنت امبارح في النادي الأهلي، قابلت الكابتن وائل جمعة، وقفنا دردشنا شوية، والراجل حاسس إنه في حالة من التركيز".
وتابع: "قال لي بالحرف: في حاجة مش مفهومة يا كابتن، قلت له في إيه؟ قال لي حكاية الهجوم على المدرب والموضوع، في حاجة مش مفهومة".
وأضاف: "قال لي التمرين كويس، والروح كويسة، والدنيا كويسة، وقال لي بس في حاجة مش مفهومة في الهجوم الغريب اللي موجود على الحسين عموتة بالتحديد".
واستمر: "قال لي بدري قوي، والدنيا ما تستاهلش كده، خسرنا نقطتين ماشي، عملنا عروض، بعض العروض مش جيدة برضه ماشي، لكنه الإطار العام بتاعنا كويس".
وأتم: "قال لي ما عنديش مشاكل خالص الحمد لله، اللعيبة مستجيبة والدنيا تمام 100%".
اقرأ ايضا