رسالة قوية من محمد الدماطي لجماهير الأهلي بسبب السوشيال ميديا
تحدث محمد الدماطي، عضو مجلس إدارة الأهلي السابق، عن تأثير مواقع التواصل الاجتماعي على جمهور الكرة المصرية، مؤكدًا أن كثرة التفاصيل والأخبار أصبحت تمثل ضغطًا على المشجع وتؤثر في متعته بكرة القدم.
ووجه الدماطي، عدة رسائل إلى جماهير القلعة الحمراء، وطالبهم بالفرح بإنجازات الفريق.
رسالة الدماطي لجماهير الأهلي
وخلال حديثه في بودكاست "تاريخ وكورافيا"، قارن الدماطي بين شكل جماهير الأهلي والزمالك في الماضي والحاضر، مشيرًا إلى أن المنافسة كانت موجودة، لكنها كانت تنتهي بانتهاء المباراة.
وقال محمد الدماطي: "جمهور الأهلي والزمالك كانوا بيدخلوا الاستاد مع بعض ويخرجوا مع بعض، جوه الملعب يتنافسوا ويشتموا بعض، وبعد الماتش الموضوع بيخلص وبعد يومين ينسوا".
وأضاف: "ده ما بقاش حاصل دلوقتي، وده خطر، لأننا وصلنا لمرحلة من العداء والشتيمة بقت مؤثرة على الجمهور".
وأشار إلى أن جمهور الأهلي أصبح يعيش تحت ضغط مستمر بسبب المنافسة، قائلًا: "الجمهور النهارده مش عارف يفرح، لأنك حتى لما تفرح بتفكر هتفرح إلى أي مدى، وهل جمهور المنافس هيحفل عليك ولا لأ".
وتحدث الدماطي عن السوشيال ميديا وكثرة الأخبار اليومية، موضحًا: "الأهلي النهارده محتاج دايرة المناقشات دي، مش محتاج بقى خاص وحصري وعاجل، ومين راح التمرين ومين اتأخر 10 دقايق ومين طلب 10 مليون زيادة".
وأوضح أن الوضع كان مختلفًا في التسعينيات، قائلًا: "الحياة زمان كانت أسهل، ما كانش فيه الجو ده، إنك تتابع اللاعب ده قعد مع مين وراح فين وطلب إيه".
واختتم: "التفاصيل الكتير بتقتل المتعة في كل حاجة".
اقرأ ايضا