المقاولون يعلن مدة غياب محمد عبد الناصر.. ويرد على تعمد مضايقة وائل جمعة مثل مودرن سبورت
كشف طلعت محرم، مدير الكرة بنادي المقاولون العرب، عن آخر تطورات إصابة محمد عبد الناصر، لاعب الفريق، ومدة غيابه عن الملاعب، بعد خضوعه لفحوصات طبية خلال الساعات الماضية.
وقال طلعت محرم، في تصريحات عبر برنامج "الكلاسيكو": "محمد عبد الناصر كان بيلعب وهو عنده إصابة في رجله ومحتاج جراحة، والنهارده اتعرض على جراح، واداله فرصة يتعالج بالأدوية قبل اتخاذ قرار بشأن العملية، وهيغيب من 10 لـ15 يومًا".
وبشأن ما تردد حول تعمد المقاولون العرب مضايقة وائل جمعة واللعب بنفس أسلوب مودرن سبورت، أوضح طلعت محرم: "في تفاصيل كتير جدًا اتغيرت في الكورة، ومبقاش الموضوع أهلي وزمالك وبيراميدز بس، وفي تطور كبير حصل للفرق، وإحنا ده أسلوب لعبنا دايمًا في كل الماتشات، بنبدأ بنفس الشكل مش قدام الأهلي بس".
وأضاف: "كنا بنلاعب فريق كبير وعملنا ماتش كويس، لكن التغييرات اللي الأهلي عملها في الشوط الثاني صنعت الفارق للفريق".
وتابع: "الأهلي نادي كبير وعنده كبرياء، لكن إحنا عندنا ناس كتير غايبة، ورغم كده قدمنا أداء قوي".
وعن إمكانية أن يكون محمد عبد الناصر بديلًا لإمام عاشور في الأهلي، قال مدير الكرة بالمقاولون العرب: "عبد الناصر مستقبل كبير للأهلي ومنتخب مصر، وده اللي أقدر أقوله".
اقرأ ايضا