كشف محمد الدماطي، عضو مجلس إدارة النادي الأهلي، كواليس استبعاد حسام غالي من تشكيل المجلس الجديد، مؤكدًا أن ما حدث لم يكن خلافًا إداريًا بالمعنى المعروف، بل قرار شخصي من غالي بالابتعاد بعد فترة من التباين في الرؤى.

اقرأ أيضًا | الدماطي "يقصف جبهة" الزمالك بشأن أرض أكتوبر.. ويؤكد: كنت مؤيدًا للانسحاب من القمة

وقال الدماطي في تصريحات عبر برنامج الكورة مع فايق: "مش أزمة، ما حصلش يعني أزمة بمعنى كلمة أزمة، هو حسام شخص مباشر قوي، واضح قوي، يعني ممكن ناس تعتبرها ميزة وناس تعتبرها عيب، حسام من النوع يا أبيض يا أسود".

وأضاف: "من الواضح إن هو الفترة الأخيرة ما كانش خلاف على الترابيزة أو أزمة على الترابيزة، ده ممكن يبقى خلاف في حاجة في الكورة إحنا مش شايفينها، فكان واخد قرار بالابتعاد في الفترة الأخيرة، مش سر يعني".

وتابع: "هو بنفسه قال في بودكاست قبل الانتخابات إنه مش عايز يكمل، الناس شافتها مبالغة، بس هو شايف إنه مش مبسوط بالوضع جوه دلوقتي، وهو حر في قراره".

وأكد الدماطي أنه لا يحب استغلال المواقف للهجوم على زملائه قائلًا: "أنا مش من النوع اللي هستغل إن ناس بتهاجمه فـ هخش أكمل، لا، حسام لحد اللحظة دي عضو مجلس إدارة، وأنا مش من النوع اللي بحب أخبط في حد، بالعكس".

وأشاد بشخصية غالي قائلاً: "حسام من الشخصيات اللي تحبها أو تكرهها، هو شخصية واضحة، هيحبك يقولك في وشك بحبك، بيكرهك يقولك في وشك بكرهك".

وعن سبب عدم توجيه النادي الأهلي الشكر لغالي ضمن بيان وداع الأعضاء، أوضح: "الأربعة اللي تم شكرهم كانوا موجودين معانا لحد آخر لحظة، لكن حسام بعيد بقاله فترة وما عندوش رغبة في الاستمرار، فالموضوع مش إن في زعل، لكن شكروا الناس اللي كانت مكملة فعلاً".

وختم الدماطي تصريحاته بحزم قائلًا: "لو عضو مجلس إدارة يتكلم عن زملاءه بالسوء، يتم إبعاده فورًا عن النادي، الأهلي له قواعده واحترامه داخل المجلس وخارجه".