وجه وائل جمعة، نجم النادي الأهلي السابق، رسالة حاسمة إلى لاعبي الفريق الأول، عبر صفحته الرسمية على موقع "فيس بوك"، طالبهم فيها بمراجعة أنفسهم وتقديم رد فعل قوي خلال الفترة المقبلة بعد تراجع الأداء والنتائج مؤخرًا.

وأكد جمعة في بداية حديثه أنه لم يتحدث عن الأهلي منذ فترة، لكنه شعر بضرورة توجيه رسالة واضحة للاعبين من منطلق حبه للنادي ورغبته في رؤية الفريق بالشكل الذي يليق باسمه وتاريخه الكبير.

اقرأ أيضًا | تعادل بطعم الهزيمة.. أخطاء الشناوي وتوروب تكلف الأهلي نقطتين أمام بتروجيت في الدوري

وقال جمعة: "بقالي فتره متكلمتش على الأهلي، بس اللي أنا شايفه دلوقتي لازم من حبنا للأهلي نوصله للعيبة لو غايب عنهم، وأنا هتكلم بلسان المشجع... إحنا بنحب الأهلي وهنفضل نحب الأهلي، بس أوعى تفتكر إن الجمهور هيحبك على حساب النادي".

وأضاف: "فإنت كلاعب رصيدك بتبنيه من تضحيتك ومحافظتك على بيتك اللي هو بيت المشجع ده، المشجع الأهلاوي عايز يشوفك بتحارب علشان بيتك ده وعلى انتصاره وإن اسمه يفضل مرفوع دايمًا".

وتابع مدافع الأهلي السابق قائلًا: "أتمنى كل واحد منكم يحاسب نفسه على اللي قدمه الفترة اللي فاتت، ومدربين كتير جم ومشيو على غير عادة الأهلي، وده لازم يخلينا نقف ونفكر".

وأكمل جمعة رسالته مؤكدًا: "مش معنى إن النادي بيمشي المدرب إنك كده بعيد، لازم نبص في المراية ونحاسب نفسنا، لأن التغيير الحقيقي بيبدأ من جوه الفريق مش من بره".

وختم وائل جمعة حديثه برسالة دعم لجماهير الأهلي ولاعبيه قائلًا: "محتاجين نشوف رد فعل مختلف منكم، وإحنا دايمًا وراكم طول ما أنتم بترفعوا وتفرحوا شعب الأهلي".