ينتظر النادي الأهلي، خلال الفترة المقبلة، تحديات عديدة على مستوى البطولات المحلية والقارية.

ويستعد الأهلي لدخول المرحلة الحاسمة في بطولة الدوري المصري، وسط منافسة شرسة على صراع اللقب.

اقرأ أيضًا | "كاف" يرفض مناقشة شكوى الأهلي ضد الجيش الملكي بسبب 100 دولار.. تعنت أم لوائح؟

وفي ضوء ذلك حرص محمد الدماطي، عضو مجلس إدارة النادي الأهلي، على توجيه رسالة إلى جماهير النادي الأهلي، وذلك قبل خوض المرحلة الحاسمة في بطولة الدوري المصري.

رسالة الدماطي لجماهير الأهلي 

وكتب محمد الدماطي عبر "فيس بوك": "هتكلم في البوست دة بصفتي مشجع أهلاوي قبل ما ابقي عضو مجلس ادارة، وعارف حجم الأبواب اللي هتفتح عليا بس أنا مش بعرف استخبي، مهما كان درجة عدم رضاك عن الادارة او الفريق او اي شيء دة مش مبرر أبدا لضعف الحضور الجماهيري في مباريات حاسمة في الدوري"

وأكمل: "لو هي ظاهرة عامة ممكن اقول فقدان شغف، او مشاكل مع الجمهور لكن لما يبقي الحضور كامل العدد في ماتشات افريقيا وعدد قليل جدا في مباريات الدوري يبقي اية السبب".

وتابع: "هل بنوصل رسالة للاعبين ان الدوري مش مهم، مفيش اي مبرر منطقي للتفاوت ده ومش هندفن راسنا في الرمل ونعمل مش واخدين بالنا، كل البطولات مهمة، والتواجد الجماهيري دة لوحده بيحسن الاداء أنا علي مدار عمري كنت اكتر فترة لازم ابقي موجود فيها في المدرج والفريق محتاجني عشان يكسب"

واضاف محمد الدماطي: "نقفل  علي نفسنا شهرين بس، نركز مع حاجة واحدة اننا نزق فرقتنا لقدام لحد آخر الموسم نشجع ونروح الاستاد ونسيب اي انتقادات علي جنب دلوقتي عشان مش مهم الأشخاص"

 وأختتم: "محدش هيفتكر حاجة غير البطولات في الاخر المهم الاهلي، الاهلي وبس، ياريت الناس المؤثرة تتبني الاتجاه دة، كل حاجة لسه في ايدينا، وان شاء الله ربنا هيكرمنا في الاخر".

ويستعد الأهلي في الوقت الحالي، لمواجهة زد، يوم السبت المقبل، ضمن منافسات الجولة 20 من الدوري المصري.

ويحتل الأهلي المركز الثالث في جدول ترتيب الدوري المصري برصيد 36 نقطة.